鍾鎮濤推囡囡做搖錢樹

藝人鍾鎮濤與女兒鍾懿日前為無綫娛樂新聞台節目《StarTalk》任嘉賓，談到女兒音樂天分高，鍾鎮濤笑言想做「星爸」，他說：「佢可以做我嘅搖錢樹，養番我。佢本身有天分，見到佢好似見到自己以前，但我細個冇爸爸媽媽支持同培養，佢哋話夾Band係飛仔。自己十幾歲開始喺酒吧唱歌，第一份工有成六百蚊一個月，嗰時文職只有二百蚊一個月，我算係高薪，估唔到唱吓唱吓變咗我嘅終身事業。」鍾鎮濤表示已在女兒的不同階段為她錄歌，並謂女兒第一首錄的廣東歌，亦是他的第一首廣東歌《閃閃星辰》。