吳綺莉一炮過畀晒1575萬
藝人吳綺莉（Elaine）一直與囡囡吳卓林相依為命，予人知慳識儉的形象，但她最近卻突然富貴，一炮過以1575萬購入大坑偉景大廈低層一個1250呎豪宅單位，被懷疑與領得去年十月離世的母親鄭黎明遺產有關。
據知，吳母任職地產界，在內地人脈甚廣，有份促成不少如廣州白雲機場的大型基建，收入不俗的她因此留下可觀金額的遺產。最近Elaine亦被指多次往返內地，以辦理申領母親遺產手續及變賣有關內地房產作現金。
本報致電予Elaine查詢添置豪宅詳情，問及是否因領遺產而一筆過購入港島新居時，她即謂：「呢啲私事啦。你見我都係着平嘅鞋，孭百幾蚊嘅背囊就知咩事。其實都係買嚟自己住，我又唔係買成棟。」談到買樓原因，她即謂：「我自己依家住緊九龍，個女又就嚟讀大學，所以想香港都有間屋。（計埋大埔你有三間屋？）邊有咁多！」至於大埔村屋單位如何處置，她就坦言暫時未作任何考慮：「未諗住賣呀，所有嘢都未知，租出去又唔係好多租金，租完自己裝修番又好貴。」