麥明詩劍橋恐懼症唔敢晒命

港姐麥明詩（Louisa）、莊思明、黃心穎、張名雅等及型男鄭俊弘（Fred），前晚到銅鑼灣宣傳新一屆港姐選舉，Louisa台上以「有咩好怕？」及「生命為自己而活」，呼籲城中靚女踴躍報名參加，但台下卻「劍橋恐懼症」發作，她說：「就快卸任有唔捨得，未來一年要更力爭上游，否則沉落海底，我想突破港姐固有框框。（宣布結婚？改行性感？）估得到就唔算突破，我希望以真性情見大家。我會呼籲朋友參選，有個劍橋嘅……唉，我又講咗呢方面，其實都唔係好熟嘅啫！（除咗劍橋、牛津冇其他朋友？）我都有喺其他國家生活嘅靚女朋友，我慶幸佢哋上年冇參選添！」

鍾情才華型港姐

Fred在台上畫出心目中的理想港姐，畫工抽象，但大批到場支持他的Fans大聲讚好，他說：「其實揀港姐冇咩特別，合眼緣，有表演同藝術才華就更好，可以選完就拍劇。識音樂都OK，音樂可以睇到一個人嘅內心世界。（你做提名人？）我身邊冇乜適齡女仔，我都30幾歲啦，我表妹年齡啱，但由細到大冇聽過佢想參選！」

黃心穎透視裝上陣招募港姐。

莊思明向男友楊明攞正牌行性感。

莊思明獲准行性感

與楊明蜜運中的莊思明，以緊身Tube dress亮相，被問到是否已獲男友批准性感示人，她說：「都有send相畀佢睇，但我係着咗先send，佢都冇乜嘢呀！我都會喺我身邊朋友圈中留意，推薦啲靚女朋友參選港姐。」

文：影視組