周永恒拖女出現證冇分手
藝人周永恒（Roy）昨日以娛樂文化集團業務總經理身份，出席電影《男神最痛》記招，被指遭他辱罵而嗌分手的女友Cherie亦有現身，粉碎分手傳言。Roy被問到傳分手時反應甚大的說：「咩話？近排我阿媽話有好多用佢（女友）張相、名嘅人add佢。（你同Cherie對話截圖流出？）我哋冇嗰啲對話，肯定唔係！雖然佢有時唔聽話，但未至於咁樣。」
對被指再染不良嗜好，Roy嬲爆說：「邊個唔知我細個有不良嗜好，來來去去唔係話我同女友嗌交，就係話不良嗜好，我有八塊腹肌，點會掂嗰啲嘢！」並再三強調與女友感情冇變。Cherie亦與男友口徑一致：「冇為傳言唔開心，都唔係事實。」
另方面，有傳與Roy於電影《忍不住的眼淚》合作的程芷渝被男方以粗口大罵，昨晚她表示事件屬實，亦曾因此事而哭過。