方力申認衰封口避談Stephy
藝人方力申昨日以軍官造型拍外景，問到認為現場哪位女星最性感？他笑言各花入各眼，難以評分，幸而自己夠定力，又曾與一眾女星合作：「佢哋嘅實力心中有數啦，冇退步！」
提到早前接受電台訪問時，談及舊愛鄧麗欣（Stephy）即激動落淚，Stephy事後表示覺得心噏，他即自認衰仔，先後說了兩次「都係我唔好」道歉，坦言當初不應該重提舊事：「一切都係我唔好，我認，之前個訪問係講傑青，講以前嘅游水生涯，講講吓就提到，但冇理由唔答，我會講少啲！」他又自爆見到粉絲上載兩人合照，並計算他們的分手日子，覺得很心噏。問到見到Stephy落淚可會心軟？他說：「唔講咁多啦！（兩個人之間冇愛？）唔講啦！都係我唔好，成日提。」