何倍倩身兼三職誓讀哈佛MBA

名媛生活如何過？扮靚、shopping、去派對？這些名媛何倍倩（Anina）都會做，但除此之外，她更要上班、上學和照顧屋企，生活忙碌。Anina夫婿是恒生後人何乃斌，兩人育有兩子一女。生活無憂的Anina，八年前創立自家護膚品牌，去年底被外國公司收購。突然空閒的她，決定報讀英國著名設計學府─倫敦中央聖馬丁藝術與設計學院（Central Saint Martins）的遙距課程。今年她重返職場，接手媽咪的美容機生意外，更報讀哈佛pre MBA課程：「哈佛嘅MBA好出名，唔易入。記得面試時，問我點樣去改變呢個世界，我都呆咗一呆，答得唔係幾好，好彩最後都收咗。順利完成pre MBA後，仍要經審查先有機會讀MBA。」

直擊半日行程 11:00am 中環set頭	12:30pm HKU上堂	2:00pm 課後濕平

買貴魚煲湯

早前本報直擊這位大忙人的半天行程，早上11時見她現身中環化妝set頭扮靚。12時半，Anina已身在HKU Space上堂，趁課堂未開始，她先埋首溫習及用iPad寫下重點。下課後，見她到商場店舖Hogan買鞋，她自言平日為方便湊小朋友多選着平底鞋多，十五分鐘便購得皮褸作心頭好。到日本餐廳午膳的她，邊食邊以iPad送飯，飯後即趕到灣仔街市買餸：「我想買石崇魚整魚湯米線畀小朋友食，將啲魚肉造成魚蓉，煮到啲湯奶白色，再加米線煮，好食過出面。」走了兩間魚舖才找到心水的生猛魚，兩條只有手掌大的魚埋單250元，為小朋友食得好，貴貴都買，完全不還價，付錢前只叮囑魚販：「幫我處理（劏魚）佢先。」然後再匆忙過附近舖頭買生薑和水果，為的只是趕返家幫大仔睇功課！

2:30pm 邊食邊讀

3:30pm 街市買餸

文：Tracy Leung

攝：吳文聰