張智霖 靚靚互畫被刪嘆可惜
藝人張智霖（Chilam）與袁詠儀（靚靚）早前夫妻檔演出內地節目《一路上有你》第二季。鮮有於人前放閃的二人，在最近一集節目中談及生死，靚靚下令老公：「這件事很重要，你要比我遲死，我不想看到心愛的人離開，所以你要注意身體健康！」Chilam聞言禁不住哽咽，不少網民留言表示太催淚，而長達約10分鐘的精華片段被放上網後，單日已錄得超過百萬點擊率，今次可謂放閃成功！
唔敢翻睇怕勁喊
身在內地拍電影的Chilam接受電話訪問說：「我唔敢睇番，驚喊到收唔到聲。主題係『假如只餘24小時』，大會叫我安排十樣、八樣嘢同太太做，最記得其中一樣係我哋互相為對方畫畫，感覺好似用筆尖觸摸對方嘅輪廓一樣，我覺得好有意義，但可能片長關係被cut咗，真係有啲可惜。」節目內Chilam向靚靚送花，又孭起靚靚走路，「臨死」前又擔心對方日後生活費，成功氹得太太多次眼泛淚光，場面感人。另外，8月27日生日的Chilam計劃當天到上海舉行演唱會，實行與眾同歡。
文：影視組