彭家麗藉衣飾念亡母

歌手彭家麗的母親早前因肺癌逝世,昨日她與弟弟彭皓鋒及父親在九龍殯儀館為母親舉行喪禮,家麗表示為紀念母親而特意戴上她留下的戒指:「媽咪留低好多飾物,我攞晒返屋企,之後我都會用佢留低嘅嘢。佢啲衫好多都好靚,亦都好啱我,啱身嗰啲我都會照着。」

她又表示稍後會開工,宣傳月底推出的新碟,問到兩姊弟會否多花時間陪有心臟病的爸爸?其弟表示自己一家與爸爸同住,家中會有人陪住爸爸。