Kenny遊花園避談身家
歌手關智斌（Kenny）昨日到電台宣傳下月17日推出的新碟，對於有報道指他手持4個物業，他避談說：「唔記得，唔好將焦點放係嗰度。」問到是否億萬富豪？他即拉開話題自爆有兩年冇工開，一度打算放棄歌唱事業，最後選擇到內地拍劇：「初時做小角色，收入得5位數字頭，夠交租同食飯。（依家5位數一集？）唔知，問Mani（霍汶希）。」
另外，將於年底約滿英皇的Kenny承認已傾續約：「過程順利，條件好好，畀好大自由度我。」並透露舊拍檔張致恒亦將於年底約滿，有指對方因懶散而不獲續約，Kenny說：「唔係吖！我之前入無綫搵佢，佢仲邀請我上佢同薛家燕主持嘅節目，咁大個仔生性！」