《玄學星相》:陸浩明黐肥媽催旺 譚凱琪開Turbo兩年內上位

藝人陸浩明與譚凱琪最近頻頻接Job,成為灸手可熱的「吸金王」!二人已年過30,現時才在娛樂圈上位算是比較遲,未知他們的運勢會否持續旺盛?新一集《東網巨星》節目《玄學星相》邀得堪輿學家陳子才,以玄學角度解構二人的事業運!

《東網巨星》娛樂節目《玄學星相》播出後反應熱烈,深受觀眾歡迎,最新一集請來堪輿學家陳子才,分析最近人氣急升的陸浩明及譚凱琪的事業運。二人都是來自有線電視的「過江龍」,入行初期在娛樂圈浮浮沉沉,至今年過30才開始踏入事業黃金期,陳子才說:「佢哋有個共通點,陸浩明喺農曆3月出世,譚凱琪喺農曆9月出世,呢兩個月份係好月份。有趣嘅係,呢兩個月份出世嘅人,人生會有個轉捩點!其實好多人都喺30歲後有個轉捩點,佢哋係其中一個有咁嘅情況。」

一肥一瘦啱Key

他指肥媽是陸浩明的福星,二人拍住上會為陸浩明帶來好運:「好多人拍住肥媽都有着數,第一,佢本身面相肥嘟嘟,好飽滿,顴骨有好多肉,一般都係旺人嘅面相,係付出型。咁啱陸浩明瘦到好似籐條咁,簡單嚟講,一個好瘦一個好肥,拍埋會特別啱!」口才了得的陸浩明注定是做主持的好材料,原來這也有樣睇,陳子才說:「陸浩明上下唇比較厚,有少少似俗語講嘅『孖膶腸』,呢啲人好鍾意講嘢,但講唔等使嘅嘢就特別啱!」

變強爭取機會

至於譚凱琪最近升呢做「女神」,陳子才指她應該把握這幾年,才有助事業發展:「2016、2017年會比較關鍵,因為佢五行屬金,係權力地位提升年。佢自己都要加強啲表演上嘅訓練同學習,令自己嘅可能性同變化性多啲,機會只有愈嚟愈多。」想繼續聽師傅點講?只要Click入《東網巨星》嘅「視娛樂」,就可以睇到《玄學星相》喇!

網址:http://goo.gl/h4fmD5

文:專案組