羅霖古堡披嫁衣觀音兵追到歐洲
「美魔女」羅霖近日遠赴法國古堡，為其名下的限量美酒拍攝宣傳照，趁機一圓在古堡拍婚紗照的心願！其追求者不辭勞苦，自薦陪赴歐洲客串「新郎」，羅霖笑言不排除他會變成真正的婚禮男主角！
羅霖（Candy）去年以半百之齡推出的寫真集反應好，知名度激增，隨即推出不少個人命名的產品慰粉絲，旗下酒業近日便推出三支以她命名的限量版美酒，更遠赴法國古堡拍攝宣傳照，期間，她穿上婚紗在古堡拍照，圓人生其中一個心願！她說：「我結婚嗰陣冇影過婚紗相，一直都好想喺歐洲古堡影，咁啱呢個古堡地方係歷史好悠久嘅莊園，難得有咁童話嘅地方，於是臨出發前特別整咗兩件婚紗，實現自己夢想！」
做「影後」陪襯
Candy谷胸配合美景，非常養眼，可惜缺了一位「新郎」，恰巧有位追求者自薦「演出」，她笑說：「出發前有個朋友打畀我，知道我會過法國影婚紗相，就問我可唔可以一齊影，我話好，不過只係出背脊，但佢已經好開心！（追求者？）係呀！係呢輯相嘅男配角，哈哈！」
不排除「坐正」
拍攝過程十分順利，除天氣一流外，莊主亦熱情好客，單是招呼Candy吃午餐已用上三個多小時，絕對是豪華團！對於再披「嫁衣」，她說：「做嘢就着得多，但自己就一次都未着過，今次當係自己氹自己，女人無論去到咩年紀，都可以實現自己夢想！」更直言相中的「男配角」，不排除他日會成為真正「男主角」呢！
文：名人組