黃翠如嫌邋遢唔幫男友洗底褲
無綫藝員黃翠如、黃浩然與歌手周柏豪前晚亮相《愛》片優先場，翠如剛與男友蕭正楠由韓國旅行返港，此行本來打算買衫，可惜沒有心水，她笑說：「去咗好多地方都買唔到嘢，諗住買衫，所以只係帶咗一、兩套，買唔到惟有洗衫。（咁有冇幫蕭正楠洗底褲？）唔得！見到都唔得！我哋好衞生，自己洗自己啲衫。」
提到父親黃永華擔任大股東兼行政總裁、被稱為「翠如BB股」的建築股聯旺（08217）近期股價波幅大，翠如坦言完全沒留意：「屋企人話題中都冇講到，我連股票係幾多號都唔知。（你冇買？）我同屋企人都冇買，所以真係好冇意義。（唔抵？）唔識呢啲嘢，我買就實跌，我偏財運黑仔，所以要畀心機做嘢。」
至於同場的周柏豪笑言以為片中有幸錫翠如，豈料失望而回：「同我拍得嘅都幾乎走唔甩，但竟然冇，我都有啲意外！」