吳業坤儲定彈藥 鄧穎芝舞出明天
跟Crystal、Regen同唱片公司的吳業坤，當年參加無綫《超級巨聲2》出身，並簽無綫為經理人，未有唱歌機會時，坤坤以拍劇及主持為主，他說：「有穩定收入，未試過零收入，都唔算要捱。」期間他一直努力儲備，自發性做很多翻唱歌，認識不同的音樂人作交流，近年人氣急升的坤坤說：「我當加咗人工。」目前唱片巿道比以前差，但他深信還有很多樂迷，只要用心做出好歌一定有人欣賞。
至於歌手張致恒（Steven）近年以主持及拍劇工作為主，但他對唱歌並未放棄，由於免費download嚴重，出碟賺不到錢，故他裝備好自己，靜待機會來到，就要畀心機去做！事業低潮時，Steven曾接受過前拍檔關智斌接濟，令他十分感激好友。早前，Steven成立自家服飾品牌搞生意：「呢個世代藝人有副業係好事，起碼冇工開時，賣衫令自己keep住有動力工作，為未來打算。」而獨立歌手鄧穎芝（Vangie），最辛酸時試過攤大手板問家人要錢，近年則到內地登台，總算有穩定收入。早兩年Vangie曾學跳鋼管舞增值：「好幸運學咗鋼管舞，畀我做咗兩個舞台劇，之前又學打拳玩MMA，我仲報咗遙距課程學攝影，之前Crystal（張紋嘉）嘅唱片封面同插圖，我有份幫佢影。」
