Regen醫人學針灸Crystal占卜做神婆

近年樂壇市道不景氣，除了一線當紅歌手外，很多歌手都不能單靠唱歌出碟搵食，歌手惟有增值學其他技能，好讓除了唱歌外，有一技傍身，自我增值之餘，找到生存之道！其中前女子組合HotCha三女，張惠雅（Regen）、張紋嘉（Crystal）及黎美言（Winkie）亦深明此道理，分別學中醫針灸、占卜星相及打拳技能來傍身！HotCha於2007年出道，2014年解散，之後單飛發展，如Regen嘗試拍劇，Crystal則挑戰舞台劇。雖然三人仍熱愛唱歌跳舞表演，但基於市道不佳，她們都決定學多一門手藝增值自己兼搵食！

拍MV學做導演

Regen現就讀香港大學校外Part-time中醫課程，讀了半年的她表示課程要幾萬元一年，每周返兩日學，因學費貴，多忙都會抽時間返學。她坦言人生目標是希望可以幫人，小時候曾想開慈善機構，希望能透過中醫技能幫人。她說：「樂壇市道喺我去澳洲讀書前一年開始變差，當年我哋一出道接job好密，出道頭兩年，公司有畀好多錢安排training我哋，但依家啲新人樣樣靠自己，做歌手好似做埋sales咁自己拍片做宣傳。有朋友想入行，我都勸佢哋諗清楚，除非屋企有家底，因為好多時會係零收入。」

張惠雅：一針在手，將來就唔使愁。（設計對白） Regen自我增值，正讀中醫課程學針灸。（設計圖片）	張紋嘉：我算吓自己嘅運程先……（設計對白） Crystal對占卜星相有興趣，有意兼職做神婆。（設計圖片）	（左起）Crystal、Regen、Winkie HotCha成軍七年，之後拆夥，三女單飛發展。

Regen亦坦言做歌手吃力，曾想轉行另搵職業，但又怕將來會有遺憾，故現年27歲的她希望多花三年時間：「希望30歲前可以得到大家認同，不過離開呢個圈都係必然，30歲之後再諗結婚、轉行或流浪，始終做人要踏實啲，屋企又唔係富貴，唔想再喺個圈度浮浮沉沉。」她又說現時自己人工跟普遍打工仔差不多，坦言有意做兼職幫補收入：「我有為自己拍MV，所以想試吓學做導演，唔介意由低做起。」

Winkie打出名堂

至於好姊妹Crystal就對占卜星相有興趣，有意兼職做神婆，實行幫人兼幫補收入！據知Crystal主要學靈量治療學，清洗氣場的負能量，而占卜學是其中一樣，她有時跟朋友一齊，建議朋友抽一張牌，從而向朋友提出一些建議忠告，提升能量。頻頻參演舞台劇的Crysal更計劃9月到美國紐約修讀為期三個月的戲劇課程，早前她又與朋友製作一些肥皂梘到巿集擺檔，瓣數甚多。

而Winkie則因參加節目《G-1格鬥會》而學打拳，她由不識打拳變為拳拳到肉，下過不少苦功，她亦成功「打」響名堂，因節目而成為話題人物，成功增加知名度之餘，相信亦有助日後拍戲。

文：音樂組