《娛樂onShow》：欣宜突然升呢唔慣變女神

歌手鄭欣宜（Joyce）的最新作品《女神》大Hit，網上點擊率突破二百萬，令Joyce躋身新一代女神行列。這位新進女神日前接受《東網電視》節目《娛樂onShow》訪問，與主持人俞詠文大談「升呢」女神的心路歷程。

入行6年冇人留意

《女神》一曲由「詞神」黃偉文（Wyman）一手打造，Joyce憶述這首歌的誕生：「有次我同Wyman同Alfred（許廷鏗）食飯，Wyman話『我要將你變成女神』，我話『你唔好講笑啦』，佢就話佢已經諗好第一句歌詞，嗰句就係『不要低頭，光環會掉下來』。」歌曲推出後，Joyce見回響勁大，笑言覺得不習慣。她說：「我都入行第6年，一直都做好多好多嘢，但冇乜人留意。呢首歌得到呢個反應，我覺得好唔慣。我記得上載第三晚，已經突破咗一百幾萬，我反應唔嚟。」

揚言不再減肥的欣宜充滿自信，經常在社交網上載水着照。	謝安琪是欣宜心目中的女神。	欣宜接受《娛樂onShow》主持俞詠文訪問，大談入行後的經歷。

激讚謝安琪有內涵

現在有很多人會稱呼Joyce為女神，不過她似乎不敢戴起這個光環。她說：「我初初出呢首歌直到依家，啲人一見到我就會叫『女神』，呢刻我會心諗係咪Kay（謝安琪）嚟咗。」她坦言心目中的女神代表是謝安琪：「佢唔單止係女神，仲係非常之有內涵。我知佢唔係得個殼，所以佢唔係嗰啲女神，係一個真女神！」Joyce於節目又會談到「性感女神」周秀娜及「民間女神」魯芬BB，想知道Joyce點講？即刻Click入《東網電視》睇《娛樂onShow》啦！

文：專案組

攝：李柏儒

場地：Neway