陳婉婷孖粉絲慶生 天公唔Buy

憑「最索丫鬟」之名彈出的無綫小花陳婉婷（Hebe），最近有份參演新處境劇《愛．回家之八時入席》，累積不少粉絲，日前更首獲粉絲舉行生日派對！雖然當日天公不作美，但27歲生日的她直言心情未受影響：「早幾年嘅生日都喺工作中度過，但今年好開心，除咗參加公司搞嘅生日Party，仲有一班Fans幫我慶祝！原本搞BBQ派對，點知落大雨要臨時轉場，但Fans都好窩心咁布置場地，好感動！」問到生日願望，單身的她透露目前專注事業，只與工作拍拖：「希望演好每個角色，演技有所進步，同埋工作機會愈嚟愈多，多啲劇拍就心滿意足！」