洪卓立玩「小三」：冇唔見得光！

長輩從小勸戒我們「勤有功，戲無益」，「打機」百害而無一利，傷眼、注意力不集中、易沉迷等……N個壞處！歌手洪卓立（Ken）由細打機打到大，最愛「宅」在家中打餐飽：「咁又好搞笑，我由細到大都鍾意打機，但都係冇近視，而且我又冇記憶力衰退！一件事有好又會有唔好，我唔覺得打機唔見得光，都係興趣一種，好似有啲人鍾意滑雪、飲嘢咁，唔沉迷就得啦！加上我都唔飲酒嘅。」

組打機聯盟齊爆粗

Ken與一班志同道合的好友組成打機聯盟，當中來自各行各業，有律師與醫生等，他笑說：「打機無分界限！我又冇特別鍾意玩咩類型嘅Game，最重要係可以同朋友一齊玩，可以一路玩、一路鬧大家、一路吹水，呢啲時間係最過癮。（一路打機一路爆粗？）邊個打機唔講粗口！嘥氣啦！」

洪卓立享受與其他機友邊玩邊爆粗，夠晒麻甩！	耳濡目染下，湯怡也會陪洪卓立打兩鋪。	湯怡與洪卓立拍拖近九年，一早包容咗「小三」！

有人說打機是愛情上的「第三者」，Ken與女友湯怡（Kathy）拍拖近九年，踏入半同居階段，他坦言未驚過女友會詐型：「平時我喺屋企打機，咁佢就鍾意煮嘢食，總之大家都鍾意留喺屋企，唔太鍾意出街，呢方面好夾！」

文：張敏妍

攝：秦健輝

場地：Logitech、香港蘇寧Megabox店

服裝：Avenue1218

髮型：DavyYu @ FIFTH Salon