孫慧雪「配對約會」搵老公

新一代「宅男女神」孫慧雪日前到尖沙咀為配對公司講座擔任客席主持，與男演員合演「約會」中的錯誤示範，逗得全場發笑！她自認戀愛路途上遇到的追求者均是認真，惟未曾主動出擊：「可能冇乜睇啱！（太多飛來蜢？）都有嘅，要謙虛啲！依家冇乜，所以都要參加睇吓有冇理想嘅對象，好似官恩娜都好似係出席呢啲活動識到個好老公！（有咩條件？）要大家溝通到、要細心、識得遷就我、體諒我。（介意你做幕前又性感？）最好大方啲、有自信，否則會驚我哋做幕前接觸人多，又會拍親熱戲，信得過我。（會報告？）我好乖o架！我會講晒去邊、做乜畀對方知，畀好大安全感佢！」