陳嘉桓秘試龍鳳鈪 眼金金
陳嘉桓日前偷得浮生半日閒，趁近期金價有水位，獨個兒到尖沙咀買金。見她望着金器雙眼發光，甚至連龍鳳鈪都試上手。
向來知慳識儉的陳嘉桓，日常生活亦相當平民化，日前便趁金價有水位，立即「婆仔上身」獨個兒到尖沙咀一間金舖「掃貨」。面對店內琳琅滿目的金器，她即時兩眼發光，甚至連結婚用的龍鳳鈪亦不放過試埋上手，望着婚禮用的后冠金飾亦大感興趣，睇得笑逐顏開。期間，陳嘉桓不時向店員徵詢意見，又拿出手機拍下金器款式，似是向朋友查詢，在店內行來行去搞了大約1小時才離開。
慳錢逼巴士
其後，陳嘉桓到附近的茶餐廳醫肚，由於正值午膳時間店內人頭湧湧，就算被不少食客認出她亦不在乎，期間有食客讚她「靚女」，她即笑了一下表示「多謝」。
大快朵頤後，她又邊行邊撳電話，行到附近巴士站停了下來睇「水牌」搵路線，然後企定定排隊摷手袋搵八達通，發完黃金夢後回復慳家生活。
文：專案組