Robynn & Kendy聽黃色笑話唔尷尬
女子組合Robynn & Kendy及電影導演鄒凱光昨日宣傳ViuTV節目，嘉賓本來包括卓韻芝，惟大會指她遇上交通意外而缺席，其助手透過電話回應：「車有事，人冇事，唔使入醫院。」
Kendy透露仍有與節目中的學生聯絡：「可能佢哋正值青春期，會講鹹濕笑話。（尷尬？）幾可愛，依家小朋友早熟，有個小五生話拍拖兩年，拖吓手仔咁。」而在節目中爆喊的鄒凱光說：「臨尾同學仔同我Farewell，每人走嚟攬我，喺我耳邊講嘢，佢哋話：『畀心機，攞金像獎！』本來都忍到，但有女同學話：『唔好喊啦！』我聽到就爆喊！」
