梁兆明演林家聲戲寶致敬
資深製作人丘亞葵（Vigo）近年積極發展粵劇文化，最新大計是邀請林錦堂徒弟梁兆明夥拍新進花旦鄭雅琪，於今年8月中在新光戲院演出已故粵劇宗師林家聲首本名劇《樓台會》，原來梁兆明十多年前於多倫多登台期間，曾獲林家聲親自教戲，適逢今年8月是林家聲逝世一周年，故選演此劇向大師致敬！
Vigo近年製作過不少口碑載道的大型粵劇，早前更獲政府委任為粵劇發展諮詢委員會成員之一，最近他邀得粵劇紅伶梁兆明夥拍梨園後起之秀鄭雅琪合演著名劇目《樓台會》，並於今年8月中在新光戲院開鑼！
Vigo：會搞電腦效果
對於今次以新鮮的配搭演出著名劇作，Vigo表示：「梁兆明同我之前合作過《岳飛——八千里路雲和月》，當時已經想繼續合作，佢係梨園界首屈一指嘅文武生，今次跟新一代花旦鄭雅琪合作，應該可以擦出一啲不一樣嘅火花，而我哋亦會用電腦效果做一啲特別嘅製作，令大家有耳目一新嘅感覺。」
有幸獲親自教戲
曾任兩屆湛江粵劇團團長、亦是粵劇紅伶林錦堂徒弟的梁兆明，昨日受訪時透露，原來他跟前輩林家聲有一段淵緣，他說：「十幾年前，我跟隨其中一位師傅孔雀屏去加拿大多倫多登台，因為師傅同林家聲分屬好友，所以當晚請咗聲哥嚟睇，前輩好喜歡我嘅演出，之後請咗我去佢屋企，仲興之所至親自教我做戲，傾囊相授，當中包括《樓台會》及好多首本名曲，聲哥德高望重，今次我演繹佢嘅首本名作，一定會盡力做好。」
文：影視組