監製關永忠否認被逼走

由江美儀、陳敏之演出的無綫劇《親親我好媽》早前鬧出劇本問題而要「停廠」，該劇監製關永忠更被指遭上司曾勵珍「交人」祭旗。關永忠昨日受訪時說：「如果我係炒就即走啦！我仲喺無綫返緊工。（被辭職？）係我自己遞信，會做到11月先走！（為咗停廠要引咎辭職？）同停廠冇關係，因為拍劇要就演員或外景成日都會遇到，我亦冇就事件要見過高層，自問拍嘅劇冇超支，對得住公司，今次辭職係因個人情緒問題，因為停廠呢單嘢搞到咁大，太多是非，唔開心，咪辭職囉！（有另外發展？）未有喎！想抖吓先！」至於自稱未知此事的江美儀表示遺憾。