浩龍瞞養馬 祖兒嬲豬鬧：衰佬！
天后容祖兒昨日到電台宣傳下月6日舉行的音樂會，對於吳國敬日前承認與劉浩龍等在澳門養馬兼以「阿嫂」稱呼她，坦言不知情的祖兒即以「衰佬」責備男友浩龍，又耍手擰頭拒絕「樂壇阿嫂」封號：「我係長青樹！」
祖兒早前參加內地歌唱比賽節目《我是歌手4》後紅爆內地，獲不少電視台邀請拍攝真人騷及歌唱節目，祖兒自嘲勤力如牛：「都幾辛苦，見打開咗個市場就把握番，返番做新人年代，我係一頭牛。」問到是否吸了很多金？祖兒即拋金句：「做嘢唔係為錢，但做嘢必須有錢，唔係做義工。」
吳國敬爆大鑊
吳國敬前日接受電台訪問時直認與劉浩龍及麥長青等在澳門養了四匹馬，並稱呼祖兒是「阿嫂」，對於男友浩龍榮升馬主，祖兒說：「真係發誓我乜都唔知。（佢冇話你知？）衰佬吖！」隨即忍不住大笑，問浩龍有否事事交代？祖兒說：「幾乎啦！」
自認長青樹
至於有指環球不滿無綫在《網絡使用權》續約中加條款，一頭霧水的祖兒說：「到英皇有事先問我得唔得呀？（你係樂壇阿嫂？）好彩唔係樂壇大媽，我係長青樹嚟o架！」提到不時在Facebook做直播，祖兒說：「依家我哋自己宣傳，新世代不停醞釀緊，我都希望舊嘅嘢可以進步，同時間新嘅嘢出現咗，所以水陸兩路一齊貫通。」
文：音樂組