麥明詩在節目《星星探親團》出街後被部分網民指她炫耀劍橋畢業及會考十優的高學歷，Louisa在網上發表千字文平反，同樣是名牌大學畢業生、畢業於加拿大英屬哥倫比亞大學（UBC）的師姐黃心穎及張名雅都出言力撐。
黃心穎：「我都有留意報道，見啲人話佢十優、高學歷，其實佢返咗學校拍攝難免會提到，同埋呢啲都係事實，我又唔覺得佢係炫耀。我有留言話最緊要係拍攝過程開心，要令人改觀唔係一朝一夕嘅事，要慢慢嚟。我親身體驗過由讀書環境去到入娛樂圈面對好多觀眾呢個必經階段，大家畀啲時間佢啦！我就少啲港姐同學歷包袱，選港姐後就做綜藝節目，好快畀人認識，都需要畀時間觀眾認識自己，唔急得。」
張名雅坦言外界對港姐及高學歷人士確實有標籤：「我就唔會有壓力，反而覺得係正面訊息，讀到書係好事嚟。初入行時會介意，但耐咗就會睇開啲，唔會有壓力，以平常心看待。」
