鄭嘉穎為女友留港拍劇

藝人鄭嘉穎、田蕊妮（阿田）、吳業坤和賴慰玲等昨日現身無綫新劇《迷》的造型活動，當中嘉穎與阿田自2009年後再度合作。嘉穎擔正的劇集《殭》日前大結局，女友陳凱琳更親手整蛋糕，與嘉穎及家人食住蛋糕睇結局，嘉穎笑說：「係同佢一家人食。（因為女友所以留港工作？）視乎工作啦，睇吓邊度興趣大啲，好難講，係睇機會。」談到與無綫的合約，問到《迷》是否合約期內最後一部劇集？他說：「可以咁講。（傾續約？）未有咁快，年尾先傾啦！」
鄭嘉穎提起女友陳凱琳即甜絲絲。
鄭嘉穎提起女友陳凱琳即甜絲絲。

阿田被問到與嘉穎有沒有感情線？她表示有，但目前劇本出到十多集，二人仍未有對手戲，又指角色是奸角，有個十多歲的囡囡。吳業坤則與賴慰玲有感情線，問他今次拍劇需不需要露肉？他說：「唔使。」又笑言希望與阿田有錫錫鏡頭，因覺得對方好靚！

吳業坤（左）一講嘢，即氹到嘉穎笑晒口。
  • 吳業坤（左）一講嘢，即氹到嘉穎笑晒口。
吳業坤與賴慰玲在劇中有感情線。
  • 吳業坤與賴慰玲在劇中有感情線。