三年抱兩急咗少少！黃長興添B仔湊「好」字
除了李蘊榮升媽咪，無綫藝人黃長興昨日亦報喜做第二任爸爸，太太Peggy昨日在養和醫院剖腹誕下兒子，連同現時兩歲的女兒Paige，湊夠一個「好」字，可喜可賀！BB重七磅多，眼線長、鼻高、嘴細、頭髮多多，相當可愛！
長興昨晚在醫院接受本報獨家訪問時開心地說：「三年抱兩令屋企更加完美，自己有靚老婆、有個女、依家又有個仔，要努力工作畀最好嘅佢哋。」他表示BB的中英文名未改，等太太決定。一直想生四、五個小朋友的他坦言覺得老婆懷孕時很辛苦，見她生了都輕鬆不少：「今次真係急少少，其實都想每隔三年生一個，但係啲人話隔兩歲會開心啲。（錫細佬多過家姐？）梗係錫家姐多啲，因為Daddy係第二個情人嚟嘛！阿仔白雪雪、鼻高高、健健康康就得。（你剪臍帶？）今次有剪臍帶，其實都唔易剪，太太生嘅過程我都不停同佢講笑話，等佢輕鬆啲。」談到李蘊做了媽媽，長興恭喜對方，希望她盡力湊小朋友，笑言能做全職媽媽就更好。
