阿旦練巴西柔術教防狼3式

身形的骰的「格鬥女」鄧洢玲（阿旦）於比賽節目已被淘汰，但知恥近乎勇繼續練功升呢，小時曾遇色狼的她更打算拍片教姊妹「以小搏大」防狼術，寄語受害者勿做「鵪鶉」，更分享防狼三招。

擁豐滿身材的藝人鄧洢玲（阿旦）年前曾推出寫真，近年主力主持工作，早前參與ViuTV節目《G-1格鬥會》展示強悍一面，礙於身材細粒及練習時間較短，她於第一圈被淘汰，但爭勝心令人留下印象，更成為網友新寵兒！

最近阿旦打算製作短片放上網，除了飲食系列，更決定分享學到的格鬥技。現時仍繼續練巴西柔術的她，功力愈來愈強，並打算教一眾姊妹防狼術：「當遇到色狼，其實學識一兩下關節技就可全身而退！（遇過色狼？）學生嗰陣有日搭港鐵，有個男人逼埋嚟搵身體頂住我，我即刻用背囊頂開佢，仲大聲問佢係咪想非禮，成功嚇走佢。」她自認身材矮小，更加要鍛煉一些以小搏大的防狼術：「有啲人專蝦女仔唔出聲就得寸進尺！女仔應該自強，依家我學咗鎖技，如果遇到衰人可以學以致用。」

做Gym加強力量
阿旦最近努力做Gym增強力量，希望分享防狼術時更有說服力，日前她找來教練操勻全身肌肉，包括做Sit Up練腹、舉啞鈴練背肌和手瓜以及引體上升等，見阿旦做到身水身汗仍繼續練，鬥志十足！近月沉醉運動的她，問到擇偶條件是否也有變化？她笑言的確欣賞健身男：「不嬲唔鍾意太弱，希望另一半可以同我練習，起碼食到我幾拳，又或者一齊練鎖技，唔會打一拳就暈低！」