敖嘉年封膠唔怕緋聞
藝人敖嘉年昨日接受薛家燕主持的電台節目訪問，獲贈新加坡手信潤喉粉。他透露拍畢無綫劇《來自喵喵星的你》後，將緊接開拍新劇《心理追兇》，早前更為劇中的總督察角色相約3位警察朋友「攞料」：「原來佢哋查案時，雖然唔知Work唔Work，但喺毫無頭緒時都會借助啲神力，例如占卜。佢哋又教咗我好多行內術語，好似Search就講做『Sear』啦，又教我正確嘅揸槍手勢。我寫咗幾張紙資料，真係學咗好多嘢！」
提到劇中他與被封為「發電廠」的蔡思貝有感情線，問早前秘婚的他可擔心傳緋聞？他信心十足地說：「電視城男男女女都係『發電廠』，不過我係膠造嘅（意指不過電），況且我唔會同敏感嘅藝人私下單獨約會。」