Lucas長髮浪子Look爆型

張栢芝早前到德國為中德合拍片《Out Of Control》取景，完成拍攝後即變回廿四孝媽咪。大前日（12日），她為Quintus舉辦派對慶祝6歲生日，除了邀得囝囝的朋友仔及家長出席外，亦請來好友張文慈（Pinky）、孫佳君及張崇德夫婦等基督教教友為兒子慶生。

張文慈搵「萌友」集郵

壽星仔Quintus留有Cute爆冬菇頭，哥哥Lucas則以長髮的「Mini版浪子」造型示人，似足爸爸謝霆鋒當年的長髮型仔Look。兩位謝家寶貝可愛又有型，Pinky主動上前向「萌友」集郵，並將照片上載至微博及留言：「今天是栢芝的小兒子Quintus六歲生日，哈哈～來到這裏令我有返老還童的感覺，這個母親太有愛了，祝福Quintus生日快樂！健康快樂成長！Lucas也長高了又帥了，栢芝她們一定要幸福喔！」

Pinky接受本報訪問時，大讚生日會溫馨：「栢芝幫Quintus搞生日會，仲預備咗個iPad造型蛋榚，想畀個溫馨又難忘嘅回憶囝囝。除咗Quintus啲朋友仔，栢芝又請咗我哋一班弟兄姊妹。生日會喺朝早開始，玩咗半日，大人有大人開心，細路有細路高興。我諗過送玩具畀Quintus做生日禮物，但好多玩具佢哋都有，後尾送咗衫仔，可以扮靚！（點睇Lucas嘅長髮Look？）覺得佢愈嚟愈型！」據知，Lucas留長髮是自己的意思，但開P後栢芝已帶他剪髮，而Lucas很乖沒有扭計。

霆鋒提早送驚喜

雖然生日會上不見爸爸謝霆鋒、爺爺謝賢及嫲嫲狄波拉，更有傳言指拉姑向朋友呻訴見孫仔困難，不過霆鋒於本月13日已與兩子見面，並為Quintus慶生，謠言不攻自破！

文：影視組