藝人惠英紅閒時喜以麻雀耍樂，但她自爆是公認的「魚腩」，她說：「我係『技高運低魚腩紅』，打成晚可以只食6鋪牌，槓完出銃畀人食都有嘅！但我要求自己要有牌品，所以從來唔發脾氣，黎燕珊、林建明、鍾慧冰最鍾意同我打，前幾日我又輸五千，冇晒尊嚴，發誓戒麻雀，否則唔姓惠！但之後我又後悔，因為我已經冇乜娛樂，算啦，講咗唔一定要做啫！嘻嘻！」
