岑日珈否認老闆金屋藏嬌
岑日珈（Angie）、JW（王灝兒）、顏子菲等前晚出席電影《華爾街綁架直擊》首映禮，Angie被問到與其公司老闆兼陳淑蘭舊愛王弼燮傳緋聞，及搬大屋一事，她直認搬屋但就否認緋聞：「佢係公司其中一位股東，公司租屋畀我同家人住。（十萬蚊一個月？）唔使，係老闆朋友空置咗就平租畀我，五位數。（公司淨係租屋畀你？）唔知，聽聞其他人快完約，可能公司覺我養太多動物。（似金屋藏嬌？）唔係。」
不過，岑日珈直認老闆王弼燮對她好，但不怕傳緋聞，只是壓力大及驚：「遲啲要還，我要有更多收入。（老闆追你？）唔係啦，佢鍾意成熟女士。（你某方面好成熟？）身材唔成熟，但仲發育緊，我媽咪到23歲胸部都會再大。」談到她日前獲贈「ANGIE BB」車牌，她指是生日禮物及鼓勵，由幾個老闆夾份送。至於歌手JW談到好友鄧紫棋日前以螢光打扮現身旺角拍寫真，力撐對方造型特別。