羅霖自爆搵到伴影婚照

由影星轉投保險業多年的王玉環（Agassi）榮升公司首位女性高級區域總監，「美魔女」羅霖（Candy）與藝人周家蔚等昨日出席她的加冕慶典暨晚宴祝賀。Candy表示與Agassi認識多年，佩服對方每年收入高達「多個零」，又透露將三代同堂提早慶祝母親節，因稍後要飛往歐洲拍廣告及與男模影婚照：「一世人一次！（想同第二春去影？）保密先！（之前唔係話閃婚咩？）我之前講係因為媽咪搵人幫我睇相，話我今年尾或出年頭會結婚，但我覺得睇相唔可以盡信，但有第二春係好嘅，起碼老咗有個伴。」
羅霖稍後飛歐洲拍廣告，將三代同堂提前慶祝母親節。
羅霖稍後飛歐洲拍廣告，將三代同堂提前慶祝母親節。

至於家蔚表示與奶奶一同前來，透露奶奶跟Agassi情如姊妹，並透露有意修讀保險牌照課程。提到母親節，家蔚指當日的節目是帶同大仔外出工作，但他現時正發燒：「佢淋巴發炎腫晒，嗰日要睇佢狀態，唔得就帶細仔去。」而Agassi笑言以不放棄、不易滿足、勤力及努力去達到目標與突破自己為成功秘訣，問到可否透露年薪多少？她說：「唔好啦！（手上有幾多客？）一千個以上，最緊要係團隊，我團隊有二百人。」

周家蔚有意修讀保險牌照課程。
  • 周家蔚有意修讀保險牌照課程。
（左一）：唐貝欣（右一）：唐貝詩<br>寇鴻萍（左二）與兩女兒同出席王玉環的晚宴派對。
  • （左一）：唐貝欣（右一）：唐貝詩
    寇鴻萍（左二）與兩女兒同出席王玉環的晚宴派對。
王玉環盛裝招呼嘉賓劉培基。
  • 王玉環盛裝招呼嘉賓劉培基。