「仇家」安德尊臨場甩底李錦聯：令人想打佢！

「鬥嘴孖寶」安德尊與李錦聯昨日原定拍住上無綫節目《男人食堂》進行錄影，但當嘉賓麥長青與鄭丹瑞到齊時，仍未見安德尊現身，李錦聯即笑說：「佢似係想避開我啦！依家都未到，真係靠唔住！（網傳無綫想開藝人打MMA節目，點睇網友話想睇你同安德尊打？）冇興趣！佢實唔夠我打，但佢係大王嚟，要做不倒翁，打極都起番身，會令人好想打佢！」他又透露十年前起訓練飲食：「我由食三餐到食兩餐，到依家減到食一餐，因為有研究話動物愈食得少愈長命，依家我注重體重，珍惜煩惱絲！」至於安德尊昨晚以短訊回覆表示因「未做完工作」，所以趕不及出席，但未有回應是否想與李錦聯決戰MMA。