胡鴻鈞告別弱雞誓變細碼彭于晏

外表文質彬彬的胡鴻鈞（Hubert），在新劇《殭》中演殭屍，要戴牙套及長指甲，對他來說是新體驗：「每次化殭屍妝都要4個鐘左右，期間去唔到廁所，因為啲指甲長到除唔到褲，戴咗牙套又食唔到嘢。」問到身為歌手的他被安排拍劇會否覺得心灰意冷？他說：「以前覺得我係歌手，就淨係應該唱歌，依家覺得有得拍劇係多一個機會，令我更加似一個藝人！」

肚腩慘變笑柄

《殭》是Hubert首套有重要角色的劇集，他笑言收到監製電話時，對方要他「操弗啲」：「係一出場嗰下要爆衫，嗰陣啱啱要拍廣告，操咗兩個月！」由於操肌要飲食克制，加上工作忙碌，自認為食的他拍畢後暫時放棄操肌，結果被粉絲取笑有肚腩：「我自作自受啦！不過真係想操番，行出嚟似個藝人，唔係文弱書生，想做『細碼彭于晏』！」

彭于晏：有排操呀你！（設計對白）	胡鴻鈞自認為食，要操肌有難度。	歌手出身的胡鴻鈞認為拍劇是一個機會，令他成為全能藝人。

整容傳聞最Hurt

外間經常將Hubert與許廷鏗比較，他表示視對方為又敬又畏的哥哥：「我哋差唔多大，但佢成熟好多，成日話我牛皮燈籠，叫我面對負面新聞時要諗有好有唔好。」他坦言被指整容令他最不開心，但許廷鏗叫他看開，認為「有啲嘢畀人記住總好過冇」，至於會否擔心二人傳「HeHe情」？他說：「咁又唔會喎！」

文：影視組