鄧穎芝拳拳到肉好彩死唔去!

近日憑真人騷《G-1格鬥會》引起網民關注的藝人鄧穎芝（Vangie），日前接受東網電視《娛樂onShow》主持俞詠文（Angela）訪問，講打講殺！雖然外形「健碩」而被外界一致看好，認為格鬥對她來說駕輕就熟，但Vangie笑言「死唔去」已非常幸運，還自爆比賽期間曾一度痛得想過放棄。

問到節目播出後與拍攝期間的感受有何不同？她直言自己的兇狠樣「慘不忍睹」：「其實再見番自己個兇狠樣都幾恐怖，尤其戴住牙膠又冇乜化妝、個妝又就嚟溶個樣！本身已經唔靚，咁多個選手入面我真係唔算靚，又有Model又有演員，所以我真係好驚同好唔想睇到！」問到會否再參戰，Vangie毫不猶豫耍手兼擰頭！

為朋友揼Winkie

節目中除了拳賽夠睇頭外，八位參與女星的是是非非亦是亮點之一，當中被認定為「水溝油」的Vangie與黎美言（Winkie）對戰時拳來拳往、拳拳有力，原來Vangie出盡全力，全為朋友而戰：「喺我未打之前，身邊有好多朋友都叫我一定要贏，好想睇我打贏佢！唔止Hazel、Rika佢哋，當中仲包括台前幕後嘅工作人員。」談及節目若要舉行男子賽時，她笑言歌手洪卓立會是一個不錯的人選。想知更多格鬥內幕？請即收看《娛樂onShow》！

鄧穎芝接受Angela訪問，與觀眾逐「格」重溫。	鄧穎芝（左）打到面容扭曲，痛到一度想放棄。	鄧穎芝喺鋼管上做出多個高難度動作，全場嘩嘩聲。

文：專案組　

場地：擎天舞室