何君誠改善脾氣鋪路追劉溫馨
無綫劇《愛．回家》曲終人散，這3年間晚晚「電視汁撈飯」的觀眾自然失落，而有份主演的藝人何君誠亦坦言不捨得：「接呢套劇之前，因為受傷休息咗一段時間，所以一開始好緊張，後來同大家愈嚟愈合拍，加上星期一至日都要開工，日日見面，好似一家人咁，所以真係好唔捨得！」
他更自爆想與劇中有感情線的劉溫馨有進一步發展：「公司內部同觀眾都覺得我同劉溫馨好襯，所以我都會諗，我哋係咪真係好襯？有諗過不如同佢試吓啦！（開始追求？）我哋識咗好耐，佢係一個好好嘅女仔，但我依家唔諗拍拖住。（想專注事業？）另一個原因係我脾氣好差，好容易黑面，私底下好靜，無謂令同我一齊嘅女仔難受，所以想自己變好啲先拍拖。」
服裝：Ronald Ip
場地：GrowthRing & Supply