祥仔扮天后定熊貓？你有得揀！

藝人阮兆祥將於本月20至22日在伊館舉行棟篤笑，談及兩年前開騷反應不俗，他說：「上次喺伊館開4場，有人問我今年紅館好唔好？我覺得唔係好啱，紅館坐山頂好似睇螢光幕咁，昔日黃子華同張達明都係喺伊館慢慢做起，當然效法佢哋，伊館氣氛好Close。」

又食又拎開心Share

Talk Show其中一個精髓是「分享」，祥仔揚言會延續「扮嘢精神」，一晚換5、6個造型：「平時Talk Show會用講者自身方式分享，我就用人哋身份去棟篤笑，藝人、政治人物咩都有！」敬業樂業的他，堅持不會重複扮過的人物，保證「鮮」味十足！為免不合大家心水，他決定搞一次全民公投，精選10個人物如功夫熊貓、韓紅、麥當娜及希拉妮等，在網上讓粉絲投票：「個個都想扮，卡通人物好有興趣，希拉妮都好想扮，因為外國人未扮過吖嘛！」

祥仔希望搞一個多元化的「開心Share」騷，分享完觀點及歡樂後，再分享食物和音樂：「講嘢同唱歌大約9：1比例，唔會亂揀一首歌嚟唱，會揀我覺得有意義嘅歌，再重新編曲。我上次個騷都有扮黃偉文，二次創作填啲歌詞，都係大家關注嘅新聞。」而棟篤笑主題曲《Ｏ朗神》由好友王祖藍填詞，祥仔笑言新年惡搞過「堅持上山看雪女」，其中「龍馬精神，永無nonsense！」的口號成為祖藍的靈感：「轉做中文，用中文自創新潮語。」

「福祿壽」10周年

此外，問到「福祿壽」拍檔會否撐埸？祥仔表示重組總需要一個理由，更大賣關子：「如無意外，2017年係10周年，我哋諗緊有咩禮物送畀Fans，電影、電視劇、唱片、演唱會都做過，諗緊會唔會係節目或者舞台劇。」

文：音樂組　

攝：劉斌

髮型：eddy kwong @salon square

化妝：Tiff Wong