李旻芳晒半球恨做金牌司儀

無綫藝人李旻芳（Lucy）繼採訪日本熊本地震後，近日在劇集《火線下的江湖大佬》演鳳姐，再獲網民關注，其實Lucy曾真空晒半球影型格靚女相，其可塑性之高，認真估佢唔到！對於拍性感相，Lucy說：「張相係影嚟做個人檔案，睇吓自己可唔可以有唔同形象。（想人認識你多啲？）都留意到網民討論我喺《火線》做鳳姐，開頭覺得又被人講，諗深一層唔係壞事，代表大家開始留意我，而且都有人讚我演得好，仲話因為嗰場戲而成為咗我超級粉絲，我會繼續努力！之前採訪熊本地震獲贈食物件事，多謝網民提點，我會將意見消化，希望做得更好。」
李旻芳拍攝性感照，是嘗試不同形象。
李旻芳拍攝性感照，是嘗試不同形象。

Lucy續說：「我參加第26期藝員訓練班入行，計埋實習至今拍超過30套劇，做過路人甲、妓女、o靚模，上年開始做有少少對白嘅角色，多數演寡婦，可能監製覺得我喊得OK啦。我做嘢算認真，乜嘢工作都唔推，拍劇試過做替身、被蟲爬上身。都想多謝《東張西望》監製畀我加入，我係以做金牌司儀為目標，想似鄭裕玲咁全能，做司儀出色，拍《男親女愛》又好睇！」

李旻芳為工作不怕辛苦。
  • 李旻芳為工作不怕辛苦。