黎紀君未落閘王宗堯：仲鍾意佢
拍拖八個月的王宗堯與黎紀君驚傳分手，處於冷靜期的兩人各自各精彩，出席不同活動時依然笑到四萬咁口！但回應分手傳聞時，一個指兩人仍互相喜歡，另一個則放風表示想和好，看來冷靜過後有望再續前緣！
王宗堯（Gregory）與黎紀君（Christy）拍拖以來不時晒恩愛，不過早前Gregory在Ig留下「分手總要在雨天」的字句，旋即惹來分手疑雲。連日來他只在網上表示兩人處於冷靜期，昨晚被本報獨家拍到現身蘭桂坊為電影《29+1》探班時，不時笑晒口與導演彭秀慧及劇組打成一片，又拎起相機研究，心情似乎未受分手傳聞影響！
Keep住聯絡
問到與女友Christy的關係，他透露處於冷靜期的原因是兩人價值觀不同，需要溝通：「佢要考試同準備入行，依家係關口，希望唔好影響大家工作心情。（分咗手？）唔係好識講，覺得要多啲空間諗吓。（有冇聯絡？）有叫佢考試加油！仲鍾意佢，要時間冷靜。」
「佢好Care我」
而Christy前晚出席電影慈善首映禮時亦笑容滿面，她承認兩人的確摩擦變多，問到是否嗌交？她說：「類似。（男友管得嚴？）佢好Care我，一路Keep住Check我，但唔特別管我。」否認有第三者的她稱完成考試後，會好好處理兩人關係。不過，她亦放風表示想言歸於好：「希望係！（有人追？）冇。（對追求者持開放態度？）唔好咁講，我會處理咗呢段感情先。」
文：影視組