J2賽馬跑贏收視ViuTV黃金檔3點不露

無綫多年來公布的收視以大氣電波收視為基準，李寶安前日怒轟ViuTV公布自行推算的「綜合收視」（大氣電波、固網﹑官方網站及Apps等多個參數）是「僭建」及混淆視聽之舉，事實上，無綫收視大幅拋離對手12倍！據Nielsen（市場調查研究公司）提供的最新收視調查報告，無綫翡翠台於本周三（4日）在晚上8時半至11時的黃金時段節目平均收視不錯，《火線下的江湖大佬》有23.4點、《殭》有23.1點、《関西攻略》有20.8點，適逢當日是賽馬夜，J2台在晚上7時至11時播映的《賽馬直擊》則錄得3.4點收視。

Viu流失10萬觀眾

反觀ViuTV 於8時30分黃金時段播出的兩個重點節目《夜行書生》只錄得2.9點收視，緊接10時播放的《煮吧！換咗我阿媽》亦只有2.3點收視，較前一晚收視達3.9點的節目《跟住矛盾去旅行》更差，流失10萬觀眾！ViuTV的收視依舊被翡翠台大幅拋離，黃金時段節目的平均收視連3點亦沒有，連無綫J2台播放的賽馬節目都跑贏ViuTV！

無綫輕鬆撼贏對家，收視以大比數拋離ViuTV！

無綫 Vs ViuTV收視表

提到J2的賽馬節目撼贏ViuTV黃金時段節目，無綫集團行政總裁李寶安昨日表示：「J2賽馬節目向來有穩定收視，冇擔心過ViuTV有威脅，翡翠台收視亦有上升。」對於有報道指無綫多年前公布的收視亦加上網上點擊率一事，他立即反駁：「無綫絕對冇咁做過！無綫多年來公布嘅收視都係以Nielsen公布嘅數字為準則，呢個收視先係無綫收視嘅核心數字，我哋唔會加大、擴充、推算收視！」

「絕對唔可以生安白造」

他續指因為有廣告商查詢網上點擊率，故無綫公布核心收視一星期後會再公布「跨平台收視」，包括myTV及GoTV等的網上收視數據作補充參考資料。他又強調無綫沒有將Nielsen的收視「僭建」，即加上網上收視數字混淆視聽，並不屑地說：「如果TVB要咁做，可以將myTV、GOTV或者加埋廣東省觀眾，咁無綫觀眾咪超過1億，咁就冇晒界限，冇真正數字參考！TVB唔會咁做，絕對唔可以生安白造！」

《関西攻略》連勝兩場！！

杜如風為無綫主持的旅遊節目《関西攻略》收視理想，據Nielsen昨日公布的最新收視顯示，節目繼續以大比數拋離ViuTV前晚在同時段播出的《煮吧！換咗我阿媽》。

問到贏完《跟住矛盾去旅行》再贏《煮吧！》，心情如何？杜如風昨日以短訊回覆：「嘩！咁犀利呀？收視好固然開心！有兩個台競爭係好事，令大家更加努力，係咪因為ViuTV開台冇耐冇乜人睇，所以我個節目先咁多人睇？」

而陳凱琳參演的無綫劇《殭》收視亦大幅拋離ViuTV同時段節目，她對此感滿意：「《殭》愈嚟愈好睇，希望收視更高啦！（收視大比數拋離對家？）最緊要觀眾鍾意睇！」

文：影視組