林夏薇攬啜黃子恆
無綫劇集《乘勝狙擊》演員林夏薇與黃子恆昨日為劇集開工拍咀戲，黃子恆用水泡餅代替戒指向林夏薇求婚，她應承後即攬實男方錫錫，兩人錫了兩次便完成拍攝，認真快手。
預告挑戰全裸戲
問到人妻林夏薇拍攝時可有想起老公求婚畫面？她sweet爆說：「結婚前佢每日都同我求婚，問我可唔可以嫁畀佢，結婚之後瞓醒都仲有問我可唔可以嫁畀佢。（老公日日送鑽戒求婚？）冇，同老公相處最舒服係佢夠簡單，求婚有鑽戒，唔講咁多喇。（老公批准拍咀戲？）做嘢唔使交代，之後同陳展鵬仲有更激全裸戲，講我哋係老千，要除衫證明冇偷嘢，老公本來唔知，有日老公見我試打底衫先發現，佢提我太瘦，話打底衫要貼身。」人妻林夏薇認真搏命，劇中與黃子恆還有場酒後亂性的激情床戲，問到黃子恆與人妻拍咀戲可有壓力？他說：「如果對手冇避忌會放心啲，對方抗拒仲驚。」
陳山聰舊患發作
另外，陳山聰亦在電視城拍攝《乘》劇，他說：「廠景接外景拍攝，冇時間做運動都愈拍愈瘦。（節食保持身形？）冇刻意，要食飯先有力量同體力去應付動作、變魔術場口，唔夠瞓就會瘦。（拍動作戲有冇受傷？）之前紮住右手出活動，因為舞獅嘅舊患發作，風濕痠痛，要努力清舊患。（驚影響變魔術戲份？）唔會，係想做得更好。」
文：影視組