《玄學星相》：宋仲基愛嫩口喬妹啱做Friend

《東網巨星》娛樂節目《玄學星相》播出後反應熱烈，深受觀眾歡迎，最新一集請來堪輿學家麥玲玲，解構憑韓劇《太陽的後裔》紅爆的韓國男神宋仲基及女神宋慧喬的愛情及事業運。有傳34歲的喬妹與30歲的宋仲基戲假情真，加上平日人前人後均默契十足，令「姊弟戀」愈炒愈熱！不過，麥玲玲認為「雙宋」未必有機會撻着：「佢哋嘅命格唔係好似一Pair，因為佢哋嘅價值觀同待人處世都幾相似，作為Partner或者好朋友會相處得幾好，但作為情人，有時太相似反而容易有衝突。」她還指宋仲基極有可能愛上比自己年輕一大截的女生：「宋仲基本身嘅命格，女朋友可以係大自己少少，或細自己好多。」

再合作未必更Hit

「雙宋」事業運一路暢旺，自《太陽》後更是再創高峰，難道二人有「互旺」的化學作用？麥玲玲笑說：「佢哋兩個係同命，即係好就一齊好，差亦一齊差，呢一類同命嘅拍檔，互旺因素唔高，只不過大家需要同一個元素。」她又分析指二人會再有機會合作，但未必有更大突破。各位Fans想繼續聽師傅點講？只要Click入《東網巨星》的「視娛樂」，就可以睇到《玄學星相》喇！

10廣告揸手 6,800萬斟代言

宋仲基穩坐「亞洲男神」位置，在韓國及內地均有大量廣告邀請，有指他簽下的廣告合約已多達10個以上！據知，宋仲基昔日在韓國的廣告酬勞約為272萬至340萬港元，但拍畢《太陽》後勁升至約680萬港元，近日甚至有內地化妝品牌以6,800萬港元與他簽代言合約，可謂升價10倍！

他與宋慧喬的人氣有幾勁？《第52屆百想藝術大賞》由昨日起至本月31日進行人氣投票，「雙宋」首日便於電視部門的投票中大幅拋離對手暫居第一位，而男團EXO成員D.O.及秀智的得票亦領先。此外，柳俊烈落實與宋康昊拍新片《的士司機》；而孔孝真與趙正錫的新劇《妒忌的化身》早前發生兩台爭播映權糾紛，最終落實由SBS於8月播出。

文：專案組

攝：張福宏