無綫「處女黨」四大成員之一的王君馨（Grace）將於明日踏入30歲，一班粉絲昨日率先為她準備一座「壽包山」預祝「三十大壽」，事前毫不知情的Grace看到神秘蛋糕盒時即露出驚訝表情，並笑言：「係咪炸彈嚟……」其後，她於網上晒出多張花絮連環圖，激讚今次生日有好多驚喜：「原來係個BB壽包……跟住仲有個『雪糕蛋糕』添！我真係以為個雪糕溶咗……被你們騙了！跟住叫我許願……就擺咗個壽包山喺我面前……你哋點知我鍾意食壽包？好多驚喜！」