周潤發晒圍頭話殺入鄧達智「煮」場

本地時裝設計師鄧達智（William）日前在元朗老家附近開設餐廳CAFE 123，開業數天已吸引不少客人長途跋涉來捧場，昨日影帝周潤發也慕名而來。發哥大駕光臨，正在廚房忙着煮早餐的William十分驚喜，他笑指發哥還跟他說圍頭話：「發哥見我喺廚房，特登走入嚟，用圍頭話同我講『忙死咯忙死咯！』哈哈！佢仲教我煎雞蛋最好用北海道牛奶。」William指餐廳員工及客人都爭相要跟發哥集郵，他續說：「發哥叫咗黑松露雞蛋厚多士、叉燒蛋撈丁及咖哩雞翼飯，估唔到胃口咁好，但身材就相當fit，佢仲話遲啲訂我哋夜晚嘅私房菜，最後我想請客，但發哥堅持要埋單，畀佢爭贏咗！」