藝人宣萱昨日帶同愛犬現身雷頌德主持的電台節目大談寵物經，期間宣萱稱有看黎明演唱會：「雖然有啲意外發生，但成個氣氛仲推得高啲。」她透露廿多年前曾跟黎明拍劇，大讚對方親切：「同佢拍劇好開心，雖然佢嗰陣已經係天王，但都係人一個，會一齊玩，佢好照顧人，我會對佢有目的多過佢對我有目的。」
身為黎明演唱會音樂顧問的雷頌德則謂，看到場地外圍有很多人一起聽歌跳舞很開心，感覺普天同慶，故不覺得蝕了，坦言愈多人感受到，就是他們想達到的目的：「有問題都未必係壞事，誠懇面對可能會有另外效果，黎生尋日都同我講覺得感恩，有啲好事發生。」
