Kay暴乳典床張繼聰：捱眼瞓(目及)實！
謝安琪在前晚播出的《殭》中以「超C趕D」上圍施展貼身白Tee誘惑，更「典床典席」搞到觀眾勁肉緊兼流鼻血！螢幕上奉獻「升Cup」演出的她，直言身材非演出重點：「我唔係一個艷星！」而老公張繼聰就揚言繼續捧場做「忠實粉絲」，直指捱眼瞓都要(目及)實老婆！
無綫熱播劇《殭》大獲好評，天后謝安琪（Kay）於前晚一集向觀眾施展超貼身白Tee誘惑，令人流到成地鼻血！被不死人關禮傑囚禁的她因為被鎖手鎖腳而「典床典席」，搞到觀眾愈睇愈肉緊。一向以好身材聞名於娛樂圈的Kay，畫面中的「逼爆激凸」效果，令坐擁34C的她進化到「超C趕D」級數，更有網友欣賞完畫面後笑指世上最幸福的一定是她老公張繼聰。
超貼身打底
Kay透過電話表示感謝觀眾留意自己劇集中的演出，更笑謂：「估唔到畀到大家啲咁神奇嘅刺激！不過身材唔係重點，我又唔係一個艷星！」她亦透露拍攝時為免在打鬥戲和跑步戲中太「論盡」，故均以超貼身的打底衫上陣：「都好乖咁買咗幾個承托力好啲嘅Bra Bra，希望佢哋可以聽聽話話唔好亂郁。」她指平日所用的都是比較「率性自然」。談到網友指張繼聰最幸福，她笑謂：「佢梗係幸福啦，我份工都擺埋一邊，全副心機為咗佢留喺屋企喎！」
「介意都冇用」
至於老公張繼聰以印度Look和拍檔鄧佩儀，昨日在北角一間印度餐廳拍攝無綫新劇《幕後玩家》，談到老婆前晚的「升Cup」演出被觀眾瘋狂行注目禮，他直言無辦法：「做演員就係咁，我身材都成日畀人講。（唔開心？）又唔會，介意都冇用，劇情需要。（有追開《殭》？）雖然好忙，但都會抽時間，捱眼瞓都要睇。」又謂非常感謝觀眾讚老婆演技好。而阿聰在拍攝期間即學即跳印度舞娛賓，又指拍畢劇集後要為新戲開工。同場的鄧佩儀透露在劇中與阿聰為一對，又指對方像哥哥般照顧她：「就嚟拍完，會好唔捨得！」更希望拜對方為師學習演技。
文：影視組