錢國偉笑克勤鹹濕 詭計追盧淑儀

導演錢國偉(Wilson)前晚為ViuTV節目《晚吹—真PK》任嘉賓,Wilson被問圈中哪位男藝人鹹濕?他即指是李克勤:「歌手最夠膽都係李克勤,佢當年做港姐嘉賓,指定要入邊一組拍嘢(即係要入盧淑儀那一組),跟住事事照顧,最後咪搞掂咗,『鹹』咗個老婆番嚟!(仲有無第二個鹹濕男藝人?)金剛鹹過我囉!」

Wilson又指當年為無綫節目《香港早晨》任副導演,期間有人遲到,結果被一位「阿姐」責罵:「啲人遲到就要鬧助導,嗰次『阿姐』嚟到,話做咩啲人坐晒喺度,問我係邊個責任,做咩唔叫佢早啲返嚟,咁做細又點叫佢哋早啲返?」談到工作多年,有否遇過永不錄用的藝人,Wilson直言當年某演員已答應接拍某電影,雙方已簽合約,但開鏡時該演員玩失蹤,更表示被壓迫:「同佢以後唔合作,(邊個?)呢件事幾大,咪就係『大個大』囉!」Wilson坦言若對方來電道歉也會原諒該人。記者翻查資料,陳靜(DaDa)原定有份拍Wilson執導的電影《喜愛夜蒲3》,不過她開拍前以退出娛圈為由消失,令Wilson陣腳大亂,記者昨致電DaDa,但至截稿前未有回應。而節目繼續玩得過火,主持KB要吮蒙面人腳趾上的蜜糖及玩忌廉濕吻等,又要與另一主持火火飲老鼠酒兼食老鼠仔。