周家蔚投訴老公要仔唔要乸
藝人周家蔚昨日帶同兒子洪大仁（TJ）出席母親節活動，老公洪天明亦有到場支持，並為妻兒拍照。周家蔚抱着兒子受訪，身體不適的TJ雖然有點發燒兼耳仔痛，但仍非常活潑，除了預祝家蔚母親節快樂外，又表示會送上獨角獸禮物。
家蔚指TJ開始長大，現時外出會自行挑選服裝，問到有沒有送玩具給弟弟洪竟琋？TJ說：「冇。」家蔚即笑指TJ會與弟弟爭玩具，但很疼錫弟弟。再問TJ可會與弟弟打架？他表示不會，又與家蔚勾手指尾承諾不打架。
此外，家蔚透露洪天明剛由內地工作返港，而兩人早前到日本享受二人世界，返港後即「打回原形」，她笑說：「佢返嚟注意力就去晒啲仔度，我哋返到嚟都唔理大家。細仔啱啱一歲，開始識行，睇住哥哥學得好快。」問到可希望再追個女？她說：「見到陳茵媺生女都好開心，媽咪話睇天啦！我得32歲，可以等佢哋大啲先。」
