易呷醋！避免偏心

劉小慧

「我同蘇志威養咗三隻身形比較大嘅狗，要視乎隻狗本身嘅性格，同埋狗好有妒忌心，通常啲狗主多數會先養細狗再養大狗，防止「大蝦細」嘅情況。我本身就將啲狗分開養嘅，所以冇打交嘅問題。」

湯怡

「我養咗兩隻貴婦狗。有朋友教過我話，如果唔同時間養兩隻狗，就要先畀佢哋日頭見吓面，或者先將隻新加入嘅狗困籠，要畀時間佢哋接受對方，同埋狗好易呷醋，所以對佢哋一定要公平。」

李施嬅

「自己有兩隻貴婦狗，都係先後養，爭風呷醋一定有，但係咬人、咬狗就一定唔得。自己都會經常教佢哋，好似有隻惡啲嘅成日蝦另一隻，我會罰佢，等佢知道唔啱。」

張文慈

「我都先後養咗兩隻狗。啱啱帶細狗「妹妹」返屋企嘅時候，大狗「波波」都唔係咁開心，我就用狗籠分開咗佢哋兩個，等熟習咗環境後就放佢哋一齊出嚟玩。我覺得屋企多咗個成員後，一定要畀大狗知佢冇失寵。」