亞視友殺上無綫人人搲撈
亞視於上月初熄機，不少前亞視藝人陸續獲無綫斟合作，曾表示與無綫傾過偈的「六合彩之子」蔡國威昨日終有好消息，他表示與袁潔儀於今日正式加盟無綫！威仔接受本報電話訪問時表示，簽約後有與袁潔儀互相祝福，但不願透露簽約年期。問到工作安排，他說：「未知！相信係綜藝節目為主。TVB規模大，相信唔難適應，佢哋仲畀咗好大自由度我，出面接開嘅工作，只要交代聲就可以。如果TVB幫我接，抽番佣金都好合理。」
條件好「(舌累)飯應」
袁潔儀前晚聯同一班「亞視之友」劉錫賢、張文慈與袁文傑等入無綫錄影《Sunday好戲王》，當時尚未動筆簽約的潔儀承認很滿意無綫提供的條件，更以「(舌累)飯應」來形容。身旁的劉錫賢亦主動出擊，不諱言有機會都想試，他說：「30年前喺度做幕後，未試過做幕前，都想拍劇。」至於早前指無綫為全港最強的張家瑩，則以觀眾身份支持一班好友。
因綵排時不慎擦損腳的張文慈則表示，仍未有人找她洽談，問到有否興趣加盟無綫？她不忘暗示一番：「有適合嘅都冇所謂，我鍾意拍劇多啲，隨緣啦！」為節目擔任評判的魏秋樺表示沒想過於無綫可遇上昔日亞視同事。
失業劉錫賢丁父憂
另外，劉錫賢近期黑運連連，早前已有腳傷的他日前再次跌倒，傷及左腳韌帶，導致行動不便，大前晚更收到87歲老父離世的噩耗，他說：「之前爸爸跌傷入院，手術後入住護老院休養，點知突然唔舒服再入院，跟住好快就走咗，我趕到醫院嗰陣，佢已經走咗。」劉錫賢遺憾因工作忙碌而沒有太多時間探望老父，雖然有指部分工作突然煞停並有兩個廣告取消，但他強調經濟沒問題。
文：影視組